曼聯教練團再地震　寸王蘇B心腹去英甲坐正

joemalee · 發表於 2021-12-18 09:24:27

曼聯新帥蘭歷克上任後，積極籌組自己嘅教練班底，原有教練團就陸續替換。曼聯周五(17日)宣布，效
力球隊5年嘅教練基蘭麥堅拿正式離隊，並會「坐正」英甲球會葉士域治主帥。基蘭麥堅拿曾經係摩連
奴同蘇斯克查嘅心腹，不過一朝天子一朝臣，蘭歷克上任後終於都冇得留低。

英甲球會葉士域治今個月初將領隊保羅曲克炒魷，隨即向35歲嘅基蘭麥堅拿招手，呢位北愛爾藩教練亦
唔想錯過「坐正」機會，佢話：「2016年加入曼聯青年軍開始，好榮幸可以效力曼聯5年，我要特別多
謝摩連奴同蘇斯克查，我喺佢哋身上學到好多，亦感激蘭歷克喺今次轉會上面嘅理解，同佢短時間嘅
合作都好開心。」

摩連奴喺2018年教曼聯嗰陣，因多年助手法利亞離隊，特別由U18提拔基蘭麥堅拿嚟幫手，之後蘇斯克查
上任仍然對佢非常重用，蘭歷克執教嘅幾場比賽佢都係教練團之一，基蘭麥堅拿以進攻踢法見稱，或者可
以幫葉士域治更上層樓。