狐狸9人確診英超終跪低　「李熱戰」延期

joemalee · 發表於 2021-12-17 20:51:21

英超過去1個星期已有3場聯賽因疫情問題延期，不過英格蘭足總做決定準則就受到批評，目前有9名
球員因確診而未能上陣嘅「狐狸」李斯特城，要求周五(17日)凌晨對熱刺嘅賽事取消竟然被駁回，領
隊羅渣士就怒轟英格蘭足總「大細超」，偏幫名牌球會，直至周四晚（15日）英超官方終於宣布
「李熱戰」延期。

據報李斯特城依家有9個球員確診，球隊亦冇晒所有中堅，但球隊提出將對熱刺一仗改期竟被否決。之
前曼聯、熱刺報稱確診嘅球員數字唔會比李斯特城多，但賽事就獲准取消，羅渣士喺賽前記招被問到
覺唔覺得足總偏心，佢就話：「你講中晒！聯賽嘅名譽係好重要，我肯定其他球隊冇我哋咁多球員確
診，但一樣可以將聯賽延期，我哋得唔到呢種優待，所以足總最好交代清楚個決定準則。」

羅渣士嘅施壓果然有效，英超官方喺周四晚終於宣布，李斯特城對熱刺之役需要延期，亦係英超5日內
被迫延期嘅第4場賽事。