慘！阿古路擬星期三宣布掛靴

joemalee · 發表於 2021-12-15 09:33:37

西班牙《馬卡報》爆料，指巴塞隆拿前鋒阿古路打算喺當地時間星期三(15日)宣布掛靴，結束18年職業球員生涯。呢位33歲阿根廷國腳早前因為心臟出現問題，需要休息3個月，如今佢認為自己無法再披甲，只能黯然退役。

阿古路近年經常受傷患問題困擾，今夏由曼城轉投巴塞隆拿不久，就因為肌肉受傷，缺陣10星期，其後復出，5次上陣入1球。不過，阿古奴喺10月尾西甲對艾拉維斯，出現吸收困難，需要立即送院治療，經過檢查後，發現佢心律唔正常，需要休息3個月。

阿古奴原本仍然希望明年2月復出，但以目前情況睇，已經難以實現，只能選擇掛靴，以免危害生命安全