性格似男人！蔚雨芯魔鬼胸失靈冇仔埋身

GIRLAV · 發表於 2021-12-10 10:23:31

「魔鬼胸」蔚雨芯有樣有身材，理應不乏裙下之臣，不過她自稱男仔頭性格，沒有男士埋身，加上不相信一見鍾情，以往對象均由朋友做起，對上一段感情投放了6年時間，認真長情！

蔚雨芯（Rainky）於無綫劇《十月初五的月光》愛上郭子豪，與他發生關係之餘，又被人捉走毒打，雖然為仔死為仔亡，但郭子豪卻心儀她的好姊妹何依婷！Rainky笑言角色甚有挑戰性，因現實中不會愛情至上，即使遷就男友也會有底線，屬理智型女友。

談到拍拖經驗，她表示喜歡「上進男」：「感恩遇到嘅都係好人，分手因為性格同磨合，對的時候冇出現對的人，好多時都係擦肩而過。最長嗰個拍咗6年，都幾長情，呢段情冇咩人知。（拍拖唔出街？）會出街，只係冇人影，希望將來有男友會公開話畀大家知。」28歲的她表示單身3年，慨嘆現時很難喜歡別人，雖然曾有欣賞男士出現，但了解後覺得不適合。

有意雪卵

自認男仔頭的她自嘲沒有魅力吸引異性，亦沒膽量主動追求：「就算係拍拖都要先了解，起碼做咗3個月以上朋友先得，要感受到大家都有意思；同埋我接受唔到姊弟戀，唔想同『細佬』拍拖，亦唔鍾意揀圈中人。（遇唔到點算？）冇計，所以決定通關後去雪卵，聽聞雪咗會肥，我又唔驚，人一定會老，靠自己努力調節。」提到其美容生意，Rainky表示已經營兩年半，反應不俗，故下月推出豐胸膏，屆時她更做代言人，並於明年3、4月開一間實體美容店，一切密鑼緊鼓進行中。