曼聯甩難　紐卡素願意接收馬迪爾

joemalee · 發表於 2021-12-9 08:27:30

曼聯前鋒安東尼馬迪爾近年狀態低迷，加上周薪高達25萬鎊，一直被球迷寸係「高薪低能」，紅魔鬼亦有意出售呢位法國國腳，但唔少球會知道馬迪爾嘅人工之後，都不禁卻步。不過，英國傳媒最新爆料，指「暴發戶」紐卡素有意簽入安東尼馬迪爾，並唔介意支付25萬鎊周薪，掃除交易最大障礙。

曼聯上場英超由看守領隊蘭歷克首次領軍，以1比0擊敗水晶宮，安東尼馬迪爾連後備都冇份，有推測指蘭歷克崇尚搶逼踢法，要求中前場球員多跑動，參與壓逼對手，馬迪爾出名懶散，唔願參與防守，同蘭歷克嘅戰術背道而馳，被放棄屬於意料中事，難得紐卡素願意接貨，紅魔鬼好大機會放人。