打牌變「站長」馮盈盈食詐胡

GIRLAV · 發表於 2021-12-8 12:11:43

馮盈盈、張頴康、朱敏瀚及陸浩明為無綫節目《麻雀鬥室三決一》任嘉賓，平日予人感覺非常精靈的盈盈，在麻雀枱上竟變成「轉數慢」的馮站長，每打一隻牌都思前想後，結果遭對手寸爆：「有盈盈嘅Call Time要加番5個鐘。」由於實在太慢，連出名好好先生的張頴康亦忍不住咆哮：「你到底識唔識打牌？」雖然慘遭圍攻，但盈盈依然「輸人唔輸陣」，全程以「聲殺」應付對手，被封為「史上最嘈」，最後更慘食詐胡！

而昨晚播出的一集，卻出現「大逆轉」，自稱「扮唔識打牌」的盈盈，因手風順最終竟成功晉級，有機會跟麻雀界有「滅絕師太」之稱的高手過招！