係佢打畀曼聯高層　要求炒蘇斯克查

joemalee · 發表於 2021-11-24 08:31:24

曼聯管理層一直力保蘇斯克查，即使「雙紅會」及「曼市打吡」接連慘敗，蘇B都平安無事，但一輸畀屈福特，曼聯就殺氣騰騰即刻開會炒領隊，點解會咁？英國傳媒爆料，原來C朗拿度經理人文迪斯打過畀曼聯高層，要求即炒蘇斯克查，先有之後嘅舉動。

英國《Talk sport》披露，曼聯1比4大敗畀屈福特賽後，文迪斯打電話畀曼聯管理層活華特，要求即炒蘇斯克查，雖然曼聯管理層無需理會文迪斯，但佢代表嘅係C朗嘅意見，管理層不得不重視。

C朗今季「回家」，身份地位恍如太上皇，球會股價大升，佢嘅意見管理層必須正視，早前有報道指C朗對於曼聯現時實力疲弱感到震驚，亦有消息指C朗認為，曼聯繼續由蘇斯克查帶領唔會成功，必須由更有料嘅主帥領軍。