羅馬里奧出任巴西參議院臨時議長

joemalee · 發表於 2021-11-12 10:51:31

羅馬里奧離開球壇轉戰政壇，成績依然輝煌，綽號「獨狼」嘅佢近日出任巴西參議院臨時議長，繼續發揮佢嘅影響力。

55歲嘅羅馬里奧喺社交平台留言：「我懷着極大嘅榮幸，喜悅同熱情，首次擔任參議院議長一職，我將擔任16日，直至現任議長參加完聯合國氣候變化大會後回國。」

其實以羅馬里奧喺球壇上嘅成就，1994年世盃冠軍功臣嘅身份，退休後可盡情享受人生，但佢唔肯停低，掛靴後轉戰政壇，成為一個政黨嘅黨魁，早前競選家鄉城市里約州長，但未有成功，現時佢又成為臨時議長，證明佢堅係做得嘢。