【賽後解碼】葡兵對決　曼城完勝曼聯

joemalee · 發表於 2021-11-7 21:08:50

英超「曼市打吡」曼城作客2比0擊敗曼聯，非如紅魔鬼門將迪基亞屢救險球，曼聯唔止輸2球。雙方葡萄牙球員嘅表現成為今場勝負一大分野，特別係曼城葡國左閘祖奧簡斯路創造2個入球，完勝曼聯2位星級同胞C朗、般奴費南迪斯。

兩隊今場合共有5位葡萄牙球員踢正選，曼聯有C朗、般奴費南迪斯，曼城有貝拿度施華、魯賓戴亞斯、祖奧簡斯路。最搶鏡反而係名氣最低嘅祖奧簡斯路，佢喺左路助攻助守，包括開波7分鐘一下急勁傳中，導致曼聯中堅艾歷拜利擺烏龍，臨完上半場再長傳助攻同胞貝拿度施華射成2比0，呢2位葡萄牙球員合力摧毀曼聯防線