干地現身督操　哈利卡尼唔想走啦！

joemalee · 發表於 2021-11-4 08:50:44

熱刺請到意大利名帥干地出山執教後，球隊前景即刻豁然開朗，球隊周二(2日)進行操練，干地已經現身訓練場監督，雖然佢因為未拎到工作證，今次操練只係「得個睇字」，但一班球員都顯得精神奕奕，據報連哈利卡尼都打消轉會念頭，決定幫干地賣命爭冠！

哈利卡尼今個夏天要求轉會曼城，對於主席利維唔遵守口頭承諾堅持唔放人，哈利卡尼一度嬲到罷踢，今季踢9場聯賽更加只有1個入球。隨住干地上任，英國《太陽報》指哈利卡尼同一眾球員都非常開心，呢位英格蘭前鋒深信干地可以幫熱刺打破錦標荒，而捧盃亦係佢決意轉會嘅最大原因，所以佢已經計劃取消轉會要求。