皇馬贏波輸人！戴亞斯臉撼地鼻骨骨折

joemalee · 發表於 2021-11-1 21:51:18

儘管皇家馬德里周六以2比1擊敗艾爾切，但今季首次上陣嘅前鋒馬里安奴戴亞斯踢得太過勇猛，幾次埋身動作相當危險，完場前更因為跳頂而失重心，「倒豎蔥」臉部硬撼落地，導致鼻骨骨折，需要休戰一段時間。

馬里安奴戴亞斯今場全力爭取表現，其中一球用後踭交波成功為球隊助攻入波，但踢得太過過火，做出好多危險動作，睇到有點心寒，去到差唔多完場就出意外，呢位西班牙鋒將跳高爭頂時，跳得過高，失去重心，頭先落地，雖然雙手有做支撐，但臉部都直接撞到地面，血流披面。

賽後他到醫院即要縫四針，而其後再發現鼻骨骨折要接受手術，相信一段日子未能比賽，而佢賽後亦喺自己社交平台留言：「我對自己今季嘅第一場比賽表現及球隊嘅勝利，非常滿意，但遺憾係跌倒鼻骨骨折，我要進行手術，需要缺陣幾日，我會盡快歸隊。」