|
|
24歲的黃紫茵加入無綫年半機會不斷，希望日後於拍劇方面有所發展的她，曾數度遇上意外，幾乎小命不保，幸最終吉人天相！
黃紫茵於劇集《青年心城之撐起青春》中的演出，獲讚為「後生版林夏薇」，她說：「今次算係我首次正式拍劇，仲安排咗拍喊同跳樓戲，拍檔畀意見之餘，仲幫手勾起我嘅情緒，等我易啲投入，感覺好好。」
畢業於理工大學設計系的她，曾享受了長達1年的悠長假期：「畢業後媽咪同我講，話一定要搵份喜歡嘅工作，加上學業時真係好忙，所以當時同同學去咗幾個旅行，先後到訪西藏、越南、英國、荷蘭及沖繩等地。（咁有錢？）用晒啲積蓄，好彩媽咪好支持我。」
幸獲僧侶打救
到內地旅行期間，她試過食物中毒、高山反應，又曾因觸碰有毒植物而徘徊鬼門關：「行山路經過叢林掂到啲嘢，冇耐就全身敏感，好彩得路過嘅僧侶幫忙。高山反應嗰次仲驚，我不停傻笑，朋友發現我嘴唇變咗紫色，吸咗一晚氧氣先回復正常。」雖然回想起來依然一額汗，但她十分享受旅途的所見所聞，認為是難得的人生體驗。
談到興趣，黃紫茵即說：「我係一個真正嘅道士，醉心弓道！本來計劃要返內地龍虎山『考牌』，不過疫情關係未能成行，希望明年7、8月能夠成行啦！（會唔會同演員身份有衝突？）唔會，如果我嘅工作要性感，都係為咗藝術作品，唔係賣弄。我哋冇話唔可以食肉同性交，只要年輕精力充沛同埋識享受，都係求真嘅表現，只要唔好害人就得。」
Profile
姓名：黃紫茵（JOJO）
出生日期：1997年4月3日
職業：KOL、主持、演員
興趣：跳舞、畫畫、弓道 |
|
在線雷達
發表於 2021-10-27 11:22:12
廣播
置頂
超級提昇
強效提昇
推舊帖
收嗲鳥
油顏色
