紅牌後首開腔　普巴：我哋唔得閒道歉

joemalee · 發表於 2021-10-26 20:54:48

曼聯大敗一役，保羅普巴只係小插曲，佢今仗擔任後備，喺球隊落後0比4時獲派上陣，結果喺短短14分鐘內先送對方1球，再出「收山腳」攞紅牌出場，而呢位「罪人」周一晚（25日）終於浦頭，喺IG發表留言，佢話要「創造更好的明天」喎！
普巴留言內容只有短短幾句：「我哋冇時間感到抱歉......要提起精神、向前踏步，創造更好的明天」，配上一張佢被罰紅牌後離開球場嘅背影。

普巴字面嘅意思好正面，不過網友唔係咁睇，好多人喺普巴IG留言，普遍認為普巴嘅紅牌係擺明靠害，只要蘇帥繼續執教，普巴都唔會正常踢波，情況就好似上任主帥摩連奴咁，直至摩帥被炒，普巴先至回復正常。