同美斯好夾　皇馬擔心麥巴比唔捨得走

joemalee · 發表於 2021-10-23 08:48:40

皇馬一直打住如意算盤，等出年夏天基利安麥巴比同巴黎聖日耳門約滿，可以免費簽入該位法國前鋒，但事件可能有變，西班牙傳媒報道，皇馬愈嚟愈擔心計劃失敗，主要原因係麥巴比同美斯開始建立默契，令佢留隊續約。

上仗歐聯賽事，聖日耳門在落後1比2劣勢下反勝RB萊比錫，美斯同麥巴比配合絲絲入扣，展示球王級合作嘅威力，兩人開始建立默契，此事對皇馬嚟講係壞消息，皇馬季初出價1.8億歐元天價收購麥巴比，但聖日耳門不為所動，本來皇馬都唔急，因為麥巴比合約只餘1年，明夏回復自由身將可免費簽佢，但依家唔到佢哋唔驚。