南韓大戰冇得抖　孫興民受傷紮住上

peecock · 發表於 2021-10-12 11:43:03

南韓周二(12日)晚會喺世盃外亞洲區大戰伊朗，呢場係12強賽A組榜首大戰，上場為南韓絕殺贏波嘅孫興民，雖然喺最後階段受傷，不過南韓主帥保羅賓圖賽前表示，孫興民將會「正選上陣」，而呢位熱刺球員亦表明就算受傷都會紮住上。

南韓目前喺小組3戰2勝1和，上仗憑孫興民絕殺2比1贏敘利亞，完場前「老孫」一度按住右腳小腿痛苦倒地，佢上個月國際賽期就曾經因為右腳受傷，返英超後都曾經缺陣，令人擔心佢舊患復發，熱刺球迷更希望孫興民可以今場免役，以免加重傷勢。