鍾麗緹大女張敏鈞殺入溫哥華華姐8強與港姐冠軍宋宛穎隨時「混血之戰」

GIRLAV · 發表於 2021-10-7 13:24:24

鍾麗緹（Christy）1993年參選國際華裔小姐奪冠而入行，其大女兒張敏鈞（Yasmine）不但繼承媽媽混血美貌，近日更打入溫哥華華裔小姐8強，傳承選美之路；如果呢次成功得到冠軍，代表佢即將會同今年港姐冠軍宋宛穎對戰。

23歲張敏鈞（Yasmine）為鍾麗緹與首名比利時丈夫Glen Ross所生，而鍾麗緹本身係中越混血兒，所以張敏鈞盡得優良基因。張敏鈞畢業於西門菲莎大學，修讀天然綜合醫學課程與電影課程，閒時更會喺IG分享自彈自唱片段，多材多藝。疫情關係，鍾麗緹曾提及與身處加拿大嘅張敏鈞已經兩年無見，但女兒向來都好獨立，唔會特別擔心佢；對於張敏鈞選美，鍾麗緹表示唔會畀佢任何壓力，只希望佢能享受過程，亦可以透過選美學習對答技巧、化妝及儀態，絕對支持張敏鈞咁話。