《愛．回家》最後出場冇告別張明偉黑白照「悼念」佐治

GIRLAV · 發表於 2021-10-5 13:28:00

喺《愛．回家之開心速遞》飾演補習天王「佐治」（George）一角嘅張明偉，最後戲份喺尋晚（2日）播出，呢集主題係補習社失竊事件，不過成集重點都係圍繞「查案」，未有清楚交代佐治」去向，同以往劇集處理演員離開劇組嘅手法唔同！好似「細龍太」陳偉琪咁，都有講佢飛咗去美國！

而張明偉喺劇集播出前喺社交網晒出黑白照「悼念」佐治，並留言：「溘然長逝，說了再見，約定再見，今晚8點見！來生再見，Ciao。」有網民留言：「冇你嘅天才聯盟補習社會點呢😢？好掛住你呀佐治」、「完全冇交代佐治去咗邊😢😢」、「你一定會有更好的發展！永遠懷念佐治❤️」