球證放生米拿惹哥帥咆哮　高普：我睇唔到！

joemalee · 發表於 2021-10-5 08:35:24

利物浦2比2和曼城嘅英超大戰話題多多，兩隊技術較量夠精彩，但球證判決亦引起爭議。今場為利物浦客串右閘嘅占士米拿，全場被曼城針對性打爆，佢喺下半場曾經粗野踢跌貝拿度施華，但球證吹罰之外並冇向佢出示第2面黃牌，引嚟曼城領隊哥迪奧拿瘋狂咆哮。

哥迪奧拿賽後對呢個判決仍耿耿於懷：「呢球係非常明顯嘅黃牌，但呢度係晏菲路球場，就好似奧脫福球場一樣，同樣情況(犯規)如果發生喺曼城球員身上，100%會被趕出場。(占士米拿)要拎第2張黃牌係非常明顯嘅事。」占士米拿逃過一劫後，冇幾耐利物浦就入波領先，而占士米拿亦隨即被換離場。