迪基亞神救12碼　其實好罕見

joemalee · 發表於 2021-9-21 22:01:54

迪基亞喺補時救出麥克盧保12碼，協助曼聯2比1險勝韋斯咸，成為贏波功臣，不過根據英超官方社交平台數據顯示，其實迪基亞救12碼場面十分罕見，佢喺英超10年來，連埋今次只係救出過4次12碼，而對上一次成功撲救，要數到7年前！

英超官方詳細列出迪基亞之前3次成功救12碼嘅年份同對手，第1個係尹佩斯，當時係2011至12年球季，之後就係謝拉特，2013至14球季，仲要列明係「中柱」，第3位係巴恩斯，喺2014至15球季發生，準確啲係2014年10月，至今差不多7年。

官方數據指，由上次救出12碼到今次撲出麥克盧保呢球波，呢段時間迪基亞總共面對21個12碼，但全部失守，所以今次迪比亞神勇撲救，真係好難得！