打比郡有難！被賽會重罰扣9分！

joemalee · 發表於 2021-9-18 08:48:10

由朗尼執教嘅英冠球隊打比郡，現時以7分排16位，但稍後就會變成-2分跌落榜尾，原因係英冠賽會將以違反財政公平規定施予處罰，罰扣打吡郡9分！

呢件事講起一匹布咁長，英國《泰晤士報》報道，話說2年前打比郡將主場出售畀現時老闆莫里斯，作價8110萬鎊，令到打比郡錄得1460萬鎊盈利，亦係10年來首次，不過賽會搵第3方估值，該球場只值4900萬鎊，大約只有售價嘅6成。簡單嚟講，有人有篤數嫌疑。

打比郡就此事與賽會爭拗，拉鋸戰長達兩年，近日雙方達成原則性協議，打比郡要被扣12分，9分在今季扣除，餘下3分延至下季再扣；亦因為咁，朗尼隊波即將變成-2分，佢又要為搶分而奮戰。