蘇B玩到咁大？將派連格正選鬥韋斯咸

joemalee · 發表於 2021-9-17 08:41:59

曼聯中場連格喺歐聯分組賽作出「致命回傳」，連累球隊輸波，但領隊蘇斯克查仍然非常信任呢位28歲英格蘭國腳，英國傳媒指蘇B打算周日(19日)晚英超作客韋斯咸，派出連格正選上陣。

據悉，由於曼聯喺周中歐聯對年青人，大部份時間踢少1人，一班主將體力消耗非常大，蘇斯克查認為周日(19日)晚英超作客韋斯咸，有必要作出輪換，連格有望今季首次擔正，蘇B亦力撐佢：「冇球員想犯錯，但我哋始終係人，難免會出現失誤，我相信連格會吸取教訓，佢會重新振作，準備好出戰韋斯咸。」

蘇斯克查之所以想搵連格踢正選對韋斯咸，一方面希望畀機會佢將功補過，盡快重拾信心，另一方面由於佢上季中途被外借去韋斯咸，了解對方底細，派佢上陣「倒戈」，可望提升曼聯勝算。