盧卡古受傷或缺陣鬥維拉

joemalee · 發表於 2021-9-8 21:48:56

盧卡古早前2場世界盃外圍賽對愛沙尼亞、捷克，合共射入3球及1次助攻，協助比利時贏波，但卻不幸受傷，加上累積足夠黃牌，需要停賽1場，無緣周四(9日)凌晨對白俄羅斯，所以佢已經提早返回車路士接受治療，可能會缺陣周日(12日)凌晨英超主場對阿士東維拉。

據悉盧卡古今次係大腿受傷，佢話：「我會接受大腿掃瞄檢查，其實我一直受大腿傷患問題困擾，但只係小問題。」照佢咁講，情況應該唔嚴重。

盧卡古今季回巢車路士之後，延續之前效力國際米蘭嘅勇態，並於對阿仙奴嘅英超大戰射入1球，奠定必然正選地位，如果佢因傷缺陣對阿士東維拉，車路士領隊杜曹一定好頭痕。