車路士繼續清貨 赫臣奧杜爾或投多蒙特

joemalee

車路士今季簽入盧卡古後，本來已經龐大嘅陣容更加雄厚，英格蘭翼鋒赫臣奧杜爾今季3場英超都未有機會落場，據報德甲勁旅多蒙特正同車路士接洽，希望引入呢位20歲新星。

杜曹上季上任後，赫臣奧杜爾一度以右翼衛身份搶到正選，但之後慢慢唔受重用，今季3場英超賽事都坐喺冷板冇得上陣，為爭取入選英格蘭國家隊希望，佢亦願意去其他球會。英國《天空體育》等媒體報道，多蒙特已經向車路士提出借用，依家就等杜曹作出決定。

消息指杜曹正全力收購西維爾中堅祖利斯古迪，呢位法國國腳同樣可以兼顧右路位置，如果車路士成功買人，杜曹就會同意畀赫臣奧杜爾離開。車路士今個夏天提出收購多蒙特前鋒艾寧夏蘭特，亦曾經提出用赫臣奧杜爾作為交易條件之一，而「蜜蜂兵團」就想用佢取代查頓辛祖嘅位置。

LasCases

車仔個陣容真係好厚。

BB29

等杜曹作出決定

Winston91

回復 joemalee ##1 的帖子

Odoi受重傷前都有一段時間閃光，不過傷病加醜聞之後就只能打替補。如果教練唔重用，轉去德甲重頭打起都係唔錯選擇，你睇一樣車仔青訓差品Abraham去咗羅馬之後，季初表現唔錯。