|
|
周六晚英超賽事，韋斯咸主場迎戰水晶宮，結果合演入球騷。賽前排榜首嘅韋斯咸，在兩度領先情況下，被水晶宮逼和2比2，錯失3連勝，米查利安東尼奧今仗交出1傳1射，協助「槌仔幫」在利物浦大戰車路士前，暫時仲喺榜首。
延續開季2連勝氣勢，韋斯咸今仗開局順利，壓住水晶宮狂攻，優勢明顯。戰至39分鐘，米查利安東尼奧唔貪功，門前橫傳畀位置更好嘅柏保路科奴斯一射破網，韋斯咸半場領先1比0。
開季首兩仗交白卷0入球嘅水晶宮，今仗在劣勢下奮起反撲，年僅21歲嘅干拿加歷查做齣好戲，憑死纏爛打踢法在亂軍中建功，58分鐘扳平1比1，亦係水晶宮今季首個入球。
韋斯咸其後再壓上前線，68分鐘米查利安東尼奧憑速度突破，接應隊友長傳一控一射為球隊再度領先2比1，開季3仗累積到4入球4助攻；不過兩分鐘後干拿加歷查在門前展示腳法，一扣一射為水晶宮再度扳平2比2，最終兩隊和氣收場，各得1分。
|
|
在線雷達
發表於 2021-8-29 08:05:50
廣播
置頂
超級提昇
強效提昇
推舊帖
收嗲鳥
油顏色
發表於 2021-8-29 12:59:25