等到頸長！華拉尼周日正選鬥狼隊

joemalee

曼聯由皇馬簽入中堅華拉尼之後，一直未見蹤影，根據《曼徹斯特晚報》報道，廣大魔迷終於等到，華拉尼喺嚟緊周日英超作客狼隊，將會正選披甲。

華拉尼其實一早到咗英國，但遲遲未官宣，直至英超首輪賽事對列斯聯，佢先至確定加盟，但佢只係穿上西裝，拎住波衫步出奧脫福球場向主場球迷亮相，並無上陣。

去到第2輪作客修咸頓，仍未見曼聯起用華拉尼，結果該仗曼聯先失守之下，只能1比1逼和對手搶得1分，當時已經有球迷不滿，認為如果華拉尼落場，有機會贏波。

據內部消息稱，曼聯頭兩場冇派華拉尼落場，係因為佢上星期先開始同大隊操練，並未建立默契，而佢近日操練表現甚佳，因此蘇斯克查亦放心派佢上陣。

Winston91

回復 joemalee ##1 的帖子

作客狼隊喺硬仗，華拉尼大把機會展示自己能力

LasCases

準備上陣。