蘇斯克查確認華拉尼周日上演處子戰

joemalee · 發表於 2021-8-22 07:17:35

曼聯將於周日(22日)晚英超作客修咸頓，領隊蘇斯克查表示，新加盟嘅中堅華拉尼將會首次為紅魔鬼上陣，屆時球迷就可以睇到呢位法國國腳同哈利馬古尼組成嘅天價防線有冇料到。

華拉尼上場英超手持19號球衣入場，同球迷見面，但並冇上陣，經過一星期訓練之後，佢嘅狀態愈來愈好，蘇斯克查話：「華拉尼速度快、強壯、頭槌了得，而且左右腳同樣純熟，佢已經融入球隊，準備隨時上陣。」

華拉尼今夏以4,200萬鎊轉會費由皇馬加盟曼聯，至於拍檔哈利馬古尼身價更加高達8,000萬鎊，呢對金鑽中堅組合拍住上，實在令人期待。
曼聯另一位新兵查頓辛祖亦有望正選上陣對修咸頓，射手卡雲尼剛歸隊冇幾耐，應該會先做後備。