馬斯真蘭奴撐世盃兩年一度：雙倍捧盃機會

joemalee · 發表於 2021-8-21 09:52:42

前阿根廷中場馬斯真蘭奴近日表示，支持雲格提出世界盃由4年一度縮減為2年一度，佢仲有一大堆理由，主要係各國都有雙倍捧盃機會。
37歲嘅馬斯真蘭奴去年掛靴，佢同球圈仍有深厚聯繫，講到世界盃問題，佢話：「我同雲格有個交談，佢係一位有遠見嘅人，世界盃改為兩年一度，我哋嘅觀點只為足球好，並非金錢或政治原因。」

「國際足協要重排日程及外圍賽賽期，減少熱身賽及球員長途旅行，世界變化好大，世界盃於一百年前舉辦，以前4年周期好正常，但依家已經唔一樣，年輕人有其他娛樂方式，必須吸引佢哋意力。」

「世界盃價值會否降低？相信不會，歐聯及自由盃都每年舉辦，但唔會失去影響力，最重嘅係，改為兩年一度，我哋有雙倍捧盃機會，有啲國家，世界盃資格就是一切，佢哋亦會有更多機會，爭標份子勝出機會亦增加，形成良性循環。」