談判順利沙拿將續約利物浦

joemalee · 發表於 2021-8-20 07:43:37

傾妥隊長佐敦軒達臣續約後，利物浦再傳喜訊，英國《The Athletic》利物浦隨隊記者皮爾斯報道，會方與「埃及美斯」穆罕默德沙拿續約談判甚有成效，預計續約至2025，會方承諾豐厚新約會令沙拿滿意。

沙拿合約將於2023年到期，周薪為20萬鎊，韋拿杜姆事件後，利物浦唔想球員合約到最後一年先開始傾，所以好多球員已展開續約談判，令球隊可以不受干擾專心爭標，據報會方希望沙拿效力至2025年，屆時沙拿滿33歲。

利物浦多名核心球員近期已先後續長約，現時仍在續約談判主力就係沙迪奧文尼同穆罕默德沙拿，消息人士透露，沙拿談判進展順利，會方答應開出一份條件豐厚合約，以獎勵沙拿，同時亦唔會打破球會薪酬結構。