曼聯開出頂薪普巴未決定

joemalee · 發表於 2021-8-20 07:41:42

曼聯英超首輪大炒列斯聯，保羅普巴雖然射失單刀，但交出4個助攻打破隊史紀錄，證明自己實力，由於佢同曼聯合約進入最後一年，唔續約就會變自由身，曼聯為同佢續約不惜開出頂薪40萬鎊，但普巴仍未決定。

曼聯希望同普巴續約至2025年，周薪40萬鎊全隊最高，其實紅魔鬼上季獲得歐聯席位，已經觸發普巴續約一年條件，但曼聯遲遲未開出新約，不過普巴都唔介意，因為當時佢同巴黎聖日耳門眉來眼去，直至美斯加盟，普巴同PSG嘅斟介才中斷。

英國《The Athletic》報道，普巴已經28歲，下一份合約將會係佢生涯最後一份大合同，佢會小心選擇，其中一個選項係等到出年夏天同曼聯約滿，以自由身過檔巴黎，賺取更豐厚回報。

至於曼聯，依家向佢開出全隊最高嘅40萬鎊周薪，亦有足夠誠意，而且曼聯整體實力不斷增強，今季具備爭標條件，加上對球會嘅感情因素，普巴續約留隊機會仍存在。