世界排名第1　比利時繼續做無冕之王

joemalee · 發表於 2021-8-13 06:13:09

國際足協（Fifa）周四（12日）公布最新世界排名，世界排名第1球隊仍然係比利時，美洲盃亞軍巴西微升1級排第2，至於兩支洲際賽冠軍意大利及阿根廷，分別排第5及6位。

比利時在歐國盃8強敗於意大利出局，在最新公布嘅積分排名，以1822.34分高踞第1位，拋離第2位嘅巴西超過40分，由於比利時至今仍未贏過任何大賽錦標，因此佢哋亦係無冕之王，由於陣中一班球星年紀漸長，明年卡塔爾世盃係佢哋爭標最後機會。

排第3、4位順序係法國同英格蘭，歐國盃冠軍意大利，由原本第7升上第5，美洲盃盟主阿根廷亦由第8升上第6，西班牙第7，葡萄牙第8，墨西哥排第9，美洲金盃冠軍美國由20大幅升至第10位。

亞洲排名方面，日本總排名24，成為亞洲1哥，中國隊總排名71，亞洲排第9。