皇馬老佛爺：美斯離隊唔關我事

joemalee

美斯被迫離開巴塞隆拿，受傷害最嚴重當然係巴塞，至於最大得益係邊個？自然係佢哋嘅死敵皇馬，被指為今次事件「幕後黑手」嘅皇馬會長「老佛爺」皮里茲近日發公告澄清，美斯離隊唔關佢事。

美斯離隊嘅原因內情複雜，主要係巴塞整體人工過高，但其實美斯已自願降薪一半，各方面配合嘅話係可以解決到，但最終失敗收場，有離職巴塞高層在電台爆料，指皮里茲係幕後黑手之一：「巴塞會方原本打算接受注資，咁就可以留住美斯，但皮里茲重中作梗，注資未能成事。」

有西甲賽會高層暗示：「巴塞亂晒籠，誰得益最大？他有完美的計劃，巴塞失去美斯，同時再失去2.7億歐元。」

對於上述指控，皮里茲當然一概否認，仲話：「我怎可能左右巴塞的決定？所有指控及言論都不正確，希望有關人士唔好亂講。」

LasCases

你肯肯定？