健達人：簡淑兒配合月事做運動

GIRLAV · 發表於 2021-8-9 11:41:14

「腰果眼女神」簡淑兒嬌滴滴的外表下，擁有結實腹肌及馬甲線，操到一身Fit爆身材！原來她的秘訣是善用女性「不方便」的周期來配合運動收身，她說：「月經之前嗰個星期，新陳代謝比較快，做帶氧運動消脂會比較有效；而嚟緊嗰陣就做番啲簡單運動，例如瑜伽，同食暖嘅、清啲嘅嘢；至於嚟完之後嗰1、2個星期，身體處於比較好嘅狀態，可以做負重運動。」

戒糖以外，其他東西她都會照食，重點是烹調方式，要盡量清淡，她亦有食澱粉質：「做運動之前食，可以幫到做運動時更有力同做耐啲，變相燃燒到澱粉質，而做完就食多啲蛋白質。」她還提點大家多飲水，因為不夠水反而會令身體水腫。