教練李靜變身金句王 奇兵出奇迹 成就輝煌一頁

GIRLAV

香港女乒贏得一面寶貴的奧運銅牌，球員打得落力之餘，教練的變陣部署都是贏波的關鍵，現任港女隊教練李靜賽後再有金句，笑言「奇兵出奇迹」以新排陣放膽一博，成就了港乒歷史輝煌一頁。

17年前於04年雅典奧運會，李靜夥拍高禮澤為港贏得乒乓男雙銀牌寫下歷史，昨日李靜以教練身份，率領港女乒贏得一面團體銅牌，成為以運動員及教練身份奪奧運獎牌的香港第一人。

在整個比賽都激情滿瀉的李靜，不時振臂高呼甩脫口罩，在賽後大爆金句，已成為乒隊的另一個焦點，更引起網上熱論，也成為網民瘋傳的「表情包」主角。他賽後笑言「奇兵出奇迹」，他指本仗變陣屬「兵行險着」及捕捉對方心理成功，「奇兵當然要博一博，『係咪先！』變陣不是穩贏，但『波係圓嘅』，大力出奇迹！」

「最緊要多謝嘅係我自己」

李靜今屆賽事變身金句王，「波就是一場場打，飯就一啖啖食」、「女仔有時係咁，見到幸福要夠膽攞先得」，其精警語句可謂不能盡錄。而在女乒團體16強他指導杜凱琹時，更肉緊爆粗「×！你企喺中間啦，企中間佢發你長嘅，你咪反手拉佢囉！」其聲音被直播鏡頭捕捉，成一時熱話，令球迷支持乒隊之餘，也看得更「過癮」，港隊奪得銅牌後，這位幕後功臣被問到最想多謝哪個人時，再爆金句：「最緊要多謝嘅係我自己，因為我付出更加多！」

jackyman

香港人的驕傲

ahta

真漢子真性情

HKtraveler

粗口變金句, 香港係得佢

howardwo

俾佢 ‘X’ 完，立刻攞牌，乃話佢勁唔勁揪先
乒乓球技術又傳承，廣東話又傳承

Monfortino

呢期佢做金句王。