東京奧運丨58歲！東奧最老選手打乒乓波

joemalee · 發表於 2021-7-20 22:27:25

今屆東京奧運最老運動員，就係58歲盧森堡女子乒乓球選手倪夏蓮，呢位阿嫲級選手年輕時係中國代表，90年代嫁到歐洲後，自2000年悉尼奧運開始代表盧森堡參加奧運，今屆亦係佢第5次出席奧運。

倪夏蓮80年代曾代表中國隊贏得女雙世界冠軍，91年移居盧森堡，在彼邦圓奧運夢，佢先後出席2000、2008、2012及2016奧運，上屆更係閉幕禮盧森堡持旗手，今屆東京，佢以歐洲錦標賽銅牌取得入場券，繼續刷新最老參賽選手紀錄。

同佢同年代嘅選手已經退晒休，做教練或轉行，難得佢仍可在奧運賽場上陣，同班年輕選手鍊過，唔到你唔服，至於佢丈夫亦係佢教練，兩夫妻喺疫情下繼續參賽，實在難得。