前無綫主播周嘉儀公屋妹升呢名媛？逾百萬Hermès手袋貴買粗用另類炫富

GIRLAV · 發表於 2021-7-12 15:12:34

前無綫新聞主播周嘉儀（Venus）樣子甜美，效力無綫12年，被網民封為「最索新聞女郎」。2015年離開TVB轉投金融界，由當初喺證券公司市場拓展部工作，直至而家已達董事級數。近年周嘉儀生活愈嚟愈富貴，唔止由葵涌公屋搬到荃灣豪宅，過著閒時High Tea、做Spa嘅名媛生活。周嘉儀IG分享嘅日常照中，亦見多款價值不菲嘅名牌手袋。

除咗CHANEL及DIOR手袋以外，周嘉儀無論係OL Look定出街休閒Look都Hermès不離手，實行「貴買粗用」，另類炫富。周嘉儀擁有多個Hermès手袋，而IG出鏡率最高嘅必然係Hermès Kelly款，分別擁有唔同大細及唔同顏色，可見係Hermès嘅忠實粉絲。

大批網民就指周嘉儀應該改名做「周身名牌」，亦表示對佢成日有意無意大曬「貴婦」生活行為感到反感，例如不時拍攝自己享受高級美食、出入馬場、著浴袍做Spa曬長腿照片，最令人頂唔順嘅係成日自拍嗰陣都擺出托腮姿勢，大晒手上價值約30萬嘅名牌手錶與手鈪，生活完全「升呢」。