古天樂旗下中韓女團SKYLE成員曝光 Erin被指與閔孝琳似樣？！

GIRLAV · 發表於 2021-7-10 11:01:50

古天樂喺2016年將旗下嘅「天下一集團」同「加秀娛樂」合作成立「天加一文化傳媒」，天加一主要負責中國藝人管理及培訓、網路劇及韓國藝人演唱會及活動等等。「天加一」喺2018年於韓國成立Good Luck Entertainment，早前公司宣佈即將推出中韓4人女團「SKYLE」。喺噚日公司就上載成員蒙面跳舞嘅影片，展示佢哋嘅超強舞技。去到今日成員嘅真面目終於曝光，公開首個概念照及成員名單，分別係21歲隊長采炫（Chaehyeon）、22歲成員Ginny、19歲Erin以及19歲宇晴（Ujeong）。

女團名「SKYLE」係「(S)how the (K)inetic & (Y)outh (L)eading a new (E)pisode」嘅縮寫，喺今個月19日中午12時將會發布出道歌曲及MV。4位成員除咗唱功和舞蹈一流之外，佢哋仲非常青春和身形高挑，平均年齡只有20歲，身高則平均有1.69米。另外，成員們均接受過幾年訓練唱功及舞蹈等訓練，當中最長練習期為7年，所以未出道已經令大家非常期待，更已經有廣告商簽約，亦成為國際運動服及耳機品牌代言人。

喺首波概念照「Red Queen」中，成員們均穿上紅色玫瑰花圖案嘅紅色服裝，及戴上玫瑰皇冠，既性感又華麗。21歲嘅采炫（Chaehyeon）喺隊中擔任隊長兼主唱，同時佢亦擅長說唱、跳舞、作曲和作詞等等。而Ginny係隊中年紀最大嘅成員，主要擔任跳舞及Rapper，喺韓國私立大學修讀檀國大學舞蹈系嘅佢，原來仲係Rain及金鐘國等人嘅師妹。

另外兩位成員Erin及宇晴（Ujeong）只有19歲，Erin係隊中嘅門面擔當及領唱，韓媒仲話佢同閔孝琳似樣；宇晴（Ujeong）就係隊中嘅忙內，主要擔任主領舞。唔少網民都猜測Erin係SKYLE嘅唯一中國籍成員，因為其他3位成員都有韓國名字。