美斯距離比利紀錄　只差1球

joemalee · 發表於 2021-7-5 07:00:41

美斯今晨在美洲盃8強為阿根廷攻入1球，累積國家隊入球達到76球，距離巴西「球王比利」嘅入球紀錄只差1球，好有機會超越前人紀錄。

比利為巴西上陣92場射入77球，係南美洲入球最多嘅紀錄保持者，已經保持咗50年咁耐，之前最接近嘅球員係「大哨」朗拿度，但佢到62球就停咗，美斯為阿根廷上陣16年共149場，到今日亦只係入咗76球，如果以場均入球比較，比利仍然係南美洲最強。

依家睇走勢，美斯將會角逐明年卡塔爾世盃，嚟緊仲有美洲盃4強同決賽，阿根廷嚴重倚賴美斯，佢超越比利紀錄只係遲早嘅事，巴西王牌尼馬亦已累積68球排第2，落後美斯8球，由於尼馬比美斯更年輕，巴西亦十分依賴尼馬進攻，尼馬喺將來好有機會破紀錄。