已獲熱刺放人　孫興民離奇落選奧運隊

joemalee · 發表於 2021-7-2 23:03:44

南韓足總周三(30日)公布奧運男足18人參賽名單，孫興民雖已獲熱刺批准放人，但在公布一刻竟然離奇落選，究竟搞邊科？

南韓奧運男足名單中包括3名超齡球員，原本孫興民係大熱人選，但結果冇分，3名超齡球員係金玟哉、黃義助及權昶勛，消息指今次點兵係主帥金鶴范全權負責。

不過離奇嘅係，金鶴范之前專登搵孫興民父親及其經理人，希望孫興民可以出席奧運，孫興民亦成功游說熱刺放人，並已將好消息通知南韓足總，點知最後公布名單冇分。
金鶴范喺記者會上並未解釋孫興民落選原因，佢只係話：「孫興民表達希望參加奧運嘅強烈意願，對此我要向佢表示感謝。」