|
|
曼城球員有幾犀利，睇下今屆歐國盃就一清二楚，有9位「藍月亮」球員協助所屬國家隊打入歐國盃8強。最令驚喜一定係左閘辛真高，佢喺16強對瑞典，射入1球及1次助攻，協助烏克蘭加時贏2比1，爆冷晉級8強。
24歲嘅辛真高喺曼城陣中，只屬於「綠葉球員」，但今場歐國盃16強踢出星級水準，上半場27分鐘勁射入網，踢到加時最後一刻，以一記恰到好處嘅傳中波，助攻隊友杜夫比克頂入絕殺對手，賽後辛真高當選今場最佳球員，絕對實至名歸。
曼城雙翼史達寧、費倫托利斯各自各精彩，前者為英格蘭打開紀錄，成為擊敗德國嘅大功臣，佢今屆歐國盃已經有3球進帳。至於費倫托利斯喺16強對克羅地亞，射入1球及1次助攻，同樣出色。
除咗上述3人之外，仲有另外6位球員有份打入歐國盃8強，包括奇雲迪布尼、菲爾科頓、基爾獲加、洛迪卡斯簡迪、史東斯、拿樸迪。證明曼城人腳質素極佳，可以捧今季英超冠軍及打入歐聯決賽，並非偶然。
|
|
在線雷達
發表於 2021-7-1 07:06:46
廣播
置頂
超級提昇
強效提昇
推舊帖
收嗲鳥
油顏色
