巴西出副選　搞到10連勝走勢斷纜

joemalee · 發表於 2021-6-28 08:54:57

周一(28日)早上舉行嘅美洲國家盃B組賽事，主辦國巴西喺提早取得小組首名出線權情況下，派出副選人腳出戰，結果被厄瓜多爾逼和1比1，各項賽事10連勝斷纜。

巴西主帥迪迪今場正選陣容，收起尼馬、卡斯米路、李察利臣、加比爾捷西斯、堤亞高施華等多位主力，但仍然由效力皇馬嘅中堅艾達米列達奧喺37分鐘接應罰球頂入，打開紀錄。

不過，換邊之後冇幾耐，厄瓜多爾就由後備上陣嘅翼鋒安祖文拿近門入波扳平，最終打和1比1。

至於同組另一場賽事，秘魯憑卡利路下半場一箭江山，以1比0擊敗委內瑞拉，以次名出線。B組已經完成所有賽事，4支出線球隊依照排名，分別係巴西、秘魯，哥倫比亞、厄瓜多爾，呢4隊將於8強對A組出線嘅球隊。