辛祖3場踢得6分鐘 馬圖斯：畀張德國護照佢

joemalee

英格蘭今屆歐國盃未嘗一敗，喺D組以首名晉級16強，周二（29日）深夜將會硬撼德國。賽前德國名宿馬圖斯就發表言論，試圖打擊英軍士氣，指查頓辛祖唔應該被棄用，仲叫德國畀張護照佢過檔。

「相信唔止我，好多德國球迷都會感到驚訝，因為上年佢係德甲最好嘅球員之一，如果英格蘭覺得佢仲未夠好，我哋想畀一張德國護照佢。」對於21歲翼鋒查頓辛祖喺國家隊唔受重用，馬圖斯對傳媒表示難以置信。

查頓辛祖今屆德甲表現出色，各項賽事上陣38場，射入16球兼交出20次助攻，帶領多蒙特拎到來屆歐聯資格，但歐國盃竟然得唔到領隊修夫基歡心，3場比賽合共只係踢得6分鐘，第1場對克羅地亞甚至連後備都無，認真慘情。

BB29

打擊英軍士氣

LasCases

無乜G會落場。