|
|
德國左翼衞魯賓高辛斯上場對葡萄牙表現驚人，交出1入球2助攻，成為「日耳曼兵團」反勝對手功臣。就喺佢成為眾人目光焦點之後，佢爸爸受訪指，魯賓高辛斯竟然曾經差啲放棄足球，想成為一位警察。
魯賓高辛斯爸爸賀格高辛斯日前接受訪問嗰陣透露，佢個仔喺18歲轉投維迪斯青年軍前，曾經好想成為一位警察：「佢當時喺地區聯賽被放棄，因為佢有0.5毫米高低腳，但就喺當地警局通過咗第一輪面試。」
就喺魯賓高辛斯處於人生交差點之際，來自荷蘭嘅機會就降臨啦，因為維迪斯向佢招手，2013年佢仲為呢間荷甲球會上陣6場，及後效力過多德勒支同荷華高斯，2017年正式畀阿特蘭大收購，目前為止為呢支意甲球會上陣149球攻入27球，表現令人刮目相看，更加喺去年8月首次獲德國隊徵召。
魯賓高辛斯現時喺歐國盃為德國發揮好大影響力，兩場比賽都正選上陣，假如佢當年選擇咗當差，相信一定冇今日嘅足球成就。
|
|
在線雷達
發表於 2021-6-23 07:24:11
廣播
置頂
超級提昇
強效提昇
推舊帖
收嗲鳥
油顏色
