|
|
曼聯計劃今夏大肆增兵，除咗傳聞已久嘅查頓辛祖、華拉尼之外，馬體會右後衞捷比亞都係紅魔鬼收購目標之一。英國《曼徹斯特晚報》、《每日郵報》指曼聯已經重啟斟介捷比亞嘅工作，希望用1,700萬鎊轉會費將呢位30歲英格蘭國腳收購旗下。
曼聯早於1月已經有意簽入捷比亞，但佢因為涉嫌違規賭波，被罰全球性停賽，令紅魔鬼擱置收購計劃。不過，案件已經事過境遷，捷比亞亦有份入選英格蘭國家隊出戰今屆歐國盃，所以曼聯準備舊事重提簽入佢。
曼聯現時只有雲比沙卡1位正選右閘，簽入捷比亞可以方便領隊蘇斯克查輪換陣容，應付下季多條戰線，同時可以帶來內部競爭，提升雲比沙卡表現，據悉曼聯甚至已經為捷比亞準備好12號球衣。
捷比亞現時同馬體會只剩下2年合約，佢一直有意重返英超搵食，同埋自細就係曼聯球迷，紅魔鬼邀請佢加盟，佢一定樂意成「魔」。
|
|
在線雷達
發表於 2021-6-4 06:18:16
廣播
置頂
超級提昇
強效提昇
推舊帖
收嗲鳥
油顏色
