《逆天奇案》林夏薇惹微調疑雲初出道眼細鼻圓唔同晒樣？

GIRLAV · 發表於 2021-6-1 20:17:36

由陳展鵬、林夏薇、馮盈盈及黃智賢等人主演嘅劇集《逆天奇案》，開播以來都獲得唔少好評，觀眾大讚劇情緊張刺激，而有段時間冇拍劇嘅林夏薇亦成為討論話題。劇中林夏薇飾演刑事情報科警長馬穎思（Wing），係陳展鵬嘅同居女朋友，仲會與陳展鵬馮盈盈有三角感情問題。唔知係唔係太耐冇睇林夏薇嘅劇，唔少觀眾都發現佢眼睛愈來愈圓，輪廓及五官都越來越精緻，鼻翼收窄，下巴V煞，網民即刻攞返佢10年前出道嘅短髮相做對比，隨即惹來微調疑雲。

2009於北京中央戲劇學院戲劇學院表演系畢業嘅林夏薇，出道時憑住「林峯堂妹」之名加入娛樂圈，當時佢以短髮造型示人，樣貌唔突出，雙眼比較細，鼻頭較為圓大，氣質仲有啲老土，唔少人都認為佢係靠關係入行，拍劇多年嘅薇薇有唔少演出機會，但一直發展平平，直至前年嘅《十二傳說》潘朵拉教授獲得關注，網民紛紛大讚佢演技有進步。至於感情方面，薇薇喺2015年同大佢16年嘅圈外金融才俊男友結婚，立即升呢成為闊太。林夏薇婚後生活相當富貴，同老公住喺位於山頂嘅獨立屋豪宅，估計市值已超過15億，之後佢喺18年宣布離巢無綫，進軍商界做女強人，除咗創立飲食王國外，又搞藝術展覽，不過佢間唔中都會拍下劇，過下戲癮。