|
|
「銀河艦隊」皇家馬德里上周宣布主帥施丹第2度離任，當時嘅解釋係施丹自己要走，施丹自己冇作任何解釋。過咗幾日，西班牙傳媒收到來自施丹嘅公開信，向公眾解釋離隊原因，係因為皇馬不再給予佢需要嘅信任。
施丹解釋，今次離開並非「跳船」，或者對執教感到厭倦。佢話：「2018年我離開，係因為皇馬經過兩年半，贏得各項錦標之後，我覺得要有新計劃才能維持喺高水平，離開8個月後重返帥位，係因為皮里茲邀請，以及回應球迷嘅訴求。」
對於今次離開，佢就話：「至於今次，所有事情都唔同晒，我離開係因為球會未能給予我需要嘅支持，無法支持我去進行中期及長期嘅組軍工作。在皇馬20年，係我人生中最美好嘅經歷，這全靠皮里茲提攜。」
今季四大皆空，施丹指出：「我知道皇馬嘅要求，亦明白冇冠軍就要被辭退。」
|
|
在線雷達
發表於 2021-6-1 06:21:37
廣播
置頂
超級提昇
強效提昇
推舊帖
收嗲鳥
油顏色
