官宣：鶴臣季尾離開水晶宮

joemalee · 發表於 2021-5-19 06:25:02

水晶宮官方宣布，73歲領隊鶴臣將於球季結束後離隊，45年頂級聯賽執教生涯亦告一段落，水晶宮餘下兩場英超將會係佢最後兩次領軍，周日作客利物浦將會係呢位老帥嘅告別賽事！

鶴臣少年時代於水晶宮出身，2017年重返母會執教，連續4季保住英超席位，深受球迷愛戴，德高望重，喺水晶宮告別兼護級成功可算係圓美結局，鶴臣表示：「經過45年教練生涯，是時候決定離開。」

「水晶宮4年係我足球生涯嘅獎勵，今季係一個成功嘅賽季，保住英超席位，因此是時候離開全職領隊呢個崗位。」

鶴臣於1976年開始執教，真係可以話：佢教波嗰陣，好多人都未出世。首間球會是瑞典嘅咸史達斯，45年間執教球隊眾多，豪門有國際米蘭、利物浦等，亦曾出任瑞士及英格蘭主帥。