有中間人同曼城講：周薪50萬鎊可簽美斯

joemalee · 發表於 2021-5-18 06:30:10

雖然西班牙傳媒不斷吹捧美斯即將留效巴塞隆拿，減薪續約2年，但英國方面出現唔同版本：有中間人同曼城傳話，只要開出周薪50萬鎊，就可以簽入美斯！

報道指美斯現時在巴塞每周賺取大約為100萬鎊，但約滿後如果留隊將要大幅減薪3分之二，可能僅餘30多萬鎊周薪，雖然巴塞承諾未來10年有長糧作補償，但都唔及一份新合約實際。

據稱美斯嘅心理價位係年薪2500萬鎊，亦即周薪50萬鎊，出得起呢個價位，而係適合美斯發展嘅只有曼城，因此有中間人向曼城傳話，而且美斯團隊亦都計過，登陸英超出現嘅龐大商業效應，以及曼城背後嘅城市足球集團都有類似退休計劃，為美斯提供另一個選擇。