唔做水魚！曼聯要平簽辛祖

joemalee · 發表於 2021-5-18 06:27:48

英國傳媒繼續報道曼聯重啟斟介查頓辛祖消息，連曼聯嘅底價都已曝光，消息指曼聯唔想再做水魚，最低只會畀6500萬鎊，唔會再畀多蒙特抬價。

《Eurosport》報道，去年夏天由於多蒙特唔肯減價，堅持1.08億鎊轉會費出售查頓辛祖，以致曼聯收回斟介報價，近日多蒙特宣布可出售辛祖，並與辛祖達成協定，價錢合理就可離隊，吸引曼聯重啟斟介計劃。

不過曼聯唔想再做水魚，消息指佢哋斟介辛祖嘅預算在6500萬鎊至7500萬鎊之間，希望最低6500萬鎊就可完成交易，再加嘅話，可以加入由韋斯咸外借回收、尚餘一年合約嘅連格作為轉會籌碼。

由於時間倉卒，仲有漫長嘅討價還價，這宗交易無法在歐國盃之前完成。