眾望所歸！連格當選英超4月最佳

joemalee · 發表於 2021-5-15 05:57:55

韋斯咸今年初由曼聯獲用中場連格後，成績冒升，連格本人亦連場交出好表現，有好表現絕對值得表揚，連格終於順利當選4月英超最佳，係佢球員生涯首次獲獎。

韋斯咸官網公布此一好消息，表示今次係連格連續3個月獲候選提名，2月、3月份之後，英超4月最佳終於得咗！連美斯喺4月份4場攻入4球，交出5個助攻，對狼隊嘅入球仲當選4月最佳入球，連格攞住個獎座影威水相，佢話：「好多謝投票嘅人，同埋球迷支持，真係好神奇，呢個獎我第一次攞，依家係我生涯最好嘅時候，我會繼續努力踢好波，爭取更多勝仗。」

至於4月最佳領隊，就係紐卡素嘅布魯士，紐卡素喺4月份取得2勝2和不敗，並護級成功；今年初布魯士被列為被炒領隊大熱，轉個頭當選4月最佳，人生大起大跌，實在太刺激喇！