德媒：多蒙特放售辛祖　等曼聯郁手

joemalee · 發表於 2021-5-4 06:22:47

多蒙特兩位攻擊球員艾寧夏蘭特及查頓辛祖都係歐洲豪門獵物，德國傳媒《Sport1》報道，會方決定留用夏蘭特，出售辛祖，任何球會畀到8500萬歐元以上就會放人，問題係曼聯仲想唔想簽佢？

報道指，查頓辛祖同球會已達成「口頭協議」，只要達到某啲條件，辛祖就可離隊。去年夏天曼聯曾向多蒙特提出斟介，但因轉會費高達1.08億鎊而未能傾成，最終辛祖留隊，今年多蒙特願意將辛祖轉會費下降至8500萬歐元，歡迎任何球會接洽。

《轉會市場》網站顯示，21歲嘅查頓辛祖身價為1億歐元，多蒙特今次算係割價出售，辛祖係英格蘭國腳，加盟英超球會價值自然更高，所以真係諗得過。